#謝利好識食系列 去機場仲食翠華？Out晒喇！我今個月已經嚟咗機場三次，都係去西翼嘅《食東西》開餐。去西翼唔使行咁遠嘅，坐無人駕駛去另一邊話咁快就到，搵位都易啲，而且個View見到飛機升降，同貴賓室個View有得揮，等我介紹下《新10大機場打卡美食》又係咩啦。
《食東西》匯聚國際美食，連市區都搵唔到嘅餐廳呢度都有，好似東南亞美食Old Town，只此香港機場一家。呢到會食到去新加坡或者馬來西亞都必食嘅椰漿飯炸雞同拉茶或者白咖啡，鍾意食辣嘅話，椰漿飯嘅辣醬香得嚟又夠辣，撈埋周邊嘅配料一齊食，風味十足，保持原店嘅水準。
「蔥油餅」雖然我就成日食，Street Food MIC嘅「蔥油火腿雞蛋仔」就真係未試過，值得一試，亦係只有機場一間店。蔥油餅結合港式雞蛋仔這個組合的確好新奇有趣，新鮮鬆軟的雞蛋仔帶住蔥油餅的鹹味，咬落去真係好似食緊好香口嘅蔥油餅一樣！
香港嘅叉燒出名好食，肉質燒得夠火喉，蜜糖夠入味，半肥瘦仲係最好食嘅部位。香港「鏞記」嘅燒味個個排隊去食，依家除咗中環，機場都有「鏞記」啦。傳統袐方製嘅燒鵝同蜜汁叉燒，啲肉汁多到要趁熱食先好味。傳統一啲就有“「池記」雲吞麵，雲吞餡料很足，麵條都夠彈牙。
如果你地鍾意西式食品，就一定要嚟O'Learys，佢地係一間好Chill嘅酒吧餐廳，所以環境都營造到好舒適自在，旁邊有大型嘅玻璃窗，望住機場外吃嘅風景，或者同旅行朋友一齊食水牛芝士雞翼配啤酒，真喺幾輕鬆食意。
迷戀韓式食品的你們一定會認識School Food，連機場都見到佢地！「紅葉花卷拼烏卒卒」，味道同顏色一樣多變化，食完個咀仔都變烏卒卒啦，我自己都成日喺市區食韓國美食，School Food嘅價錢都好合理。
有幾十年歷史梅光軒都出現喺機場，真係忍唔住叫了順醬油叉燒拉麵，湯底以豬骨及多款小魚等材料熬成，配上自製的捲麵，真係食到「雪雪」聲，記住飲埋個湯底呀。
食完正餐又點可以無甜品，雪糕我都好識揀，識食一定食MOVENPICK，叫咗幾隻款心水口味啲雪糕球，食到咁個肚真係好Guilty！
溫馨提示一下大家，機場東翼Food Court好快會進行裝修，到時大家都不妨稍移玉步去到一號客運大樓40-80 Gate，搵下我介紹嘅《新10大機場打卡美食》，嫌行得遠嘅朋友，可以選擇乘搭無人駕駛列車，真係話咁快就到，可以慢慢享受完美食再上機！
如果趕時間上機又想食到好野？有辦法架！呢區嘅「One Minute快饌點」，只需一分鐘，就可以享受吃「食東西」內各個著名餐廳以外賣盒包裝的招牌料理，我上次趕時間都係靠佢咋！
Search